ހާއްސަ އެހީއަށް ބޭނުންވާ ފަރާތްތަކަށް ފަތަން ދަސްކޮށްދިނުމުގެ ގޮތުން ބޭންކް އޮފް މޯލްޑިވްސް (ބީއެމްއެލް) އިން ކުރިއަށް ގެންދިއުމަށް ހަމަޖެހިފައިވާ "ބީއެމްއެލް ފެތުން ތަރިން" ޕްރޮގުރާމަށް ތައްޔާރުވުމުގެ ގޮތުން ކުރަން ޖެހޭ ބައެއް މަސައްކަތްތައް ފަށައިފިއެވެ.
އެގޮތުން، ނުކުޅެދުންތެރިކަން ހުންނަ ފަރާތްތަކަށް، ފަތަން ދަސްކޮށްދިނުމަށް، މި ޕްރޮގުރާމުގައި ހަރަކާތްތެރިވާނޭ ކޯޗުންނަށް ޚާއްޞަ ސެޝަންތަކެއްވަނީ ކުރިއަށް ގެންގޮސްފައެވެ.
ބީއެމްއެލް އިން ބުނި ގޮތުގައި މި ސެޝަންތައް ކުރިއަށް ގެންގޮސްފައިވަނީ ބައިވެރިންނަށް ބޭނުންވާނޭ ކަންކަން، ފަސޭހައިން ދެނެގަންނާނެ ގޮތްތައް ކޯޗުންނަށް ބުނެދިނުމަށާއި، އެންމެ ރަނގަޅަށް ފެތުމުގެ ހުނަރުތައް ބައިވެރިންނަށް ބުނެދެވޭނެ ގޮތްތައް ދަސްކުރުމަށްކަމަށެވެ.
This year we announced BML Fethun Tharin Program to teach swimming for people with disabilities. Before lessons begin, the coaches are going through a session to understand the needs of the participants and identify the best ways to assist in the development of this life skill. pic.twitter.com/OmnjXVFBHG
— Bank of Maldives (@bankofmaldives) September 28, 2019
ސްވިމިންގ ކޯޗުންނަށް މި ސެޝަންތައް ކުރިއަށް ގެންގޮސްފައިވަނީ ސްވިމިންގ އެސޯސިއޭޝަނާއި، މޯލްޑިވްސް ޕެރަލިމްޕިކް ކޮމިޓީ އަދި ސްޕެޝަލް އޮލިމްޕިކްސް މޯލްޑިވްސްއާ ގުޅިގެންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!