އުރީދޫ މޯލްޑިވްސްގެ މިދިޔަ އަހަރުގެ އަހަރީ އާއްމު ޖަލްސާ އަންނަ މަހު ބާއްވާނެ ކަމަށް އެ ކުންފުނިން އިއުލާން ކޮށްފިއެވެ.

އެ ކުންފުނިން ނެރުނު އިއުލާނެއްގައި ބުނީ މި ޖަލްސާގައި ބައިވެރިވެވޭނީ މި މަހުގެ 15 ވަނަ ދުވަހުގެ ކުރިން ހިއްސާދާރެއްގެ ގޮތުގައި ރަޖިސްޓްރީވާ ހިއްސާދާރުންނަށް އެކަނި ކަމަށެވެ. އަދި މިދިޔަ އަހަރުގެ ހިއްސާގެ ފައިދާ ބަހާނީވެސް އެ ހިއްސާދާރުންގެ މެދުގައި ކަމަށް އެ ކުންފުނިން ބުންޏެވެ.

Ad
rt

އަހަރީ އާއްމު ޖަލްސާގައި ހިއްސާދާރުންނަށް ބައިވެރިނުވެވޭނަމަ ޕްރޮކްސީގެ ގޮތުގައި އެހެން މީހަކު ވެސް ބައިވެރިކުރެވޭނެއެވެ.

އުރީދޫއަށް މިދިޔަ އަހަރު ވަނީ 407.4 މިލިއަން ރުފިޔާގެ ސާފު ފައިދާ ލިބިފައެވެ. މިއަދަދުން ހިއްސާއަކަށް ބަހާނެ ފައިދާ ކަނޑައަޅާނީ އެ ކުންފުނީގެ ބޯޑުންނެވެ. އަދި އެ އަދަދު ފާސްކުރާނީ އަހަރީ އާއްމު ޖަލްސާގައި ބައިވެރިވާ ހިއްސާދާރުންގެ ވޯޓުންނެވެ.