ޅ.ފުށިފަރުން4 މީހުނާއެކު ނައިފަރަށް ދަތުރުކުރި ލޯންޗަކަށް މޯލްޑިވްސް ޕޮލިސް ސާވިސް އިން އެހީތެރިކަން ފޯރުކޮށްދީފިއެވެ.
ފުލުހުން ކޮށްފައިވާ ޓްވީޓެއްގައި ބުނެފައިވަނީ، މި ލޯންގެ ބުރަފަތި ބިންދައިގެން ގޮސް، އޮޔާ ދާކަމަމުގެ މައުލޫމާތު، ފުލުހުންނަށް ލިބުނު ކަމަށެވެ. އަދި އެ މައުލޫމާތު ފުލުހުންނަށް ލިބުމާއެކު، އެ ލޯންޗާއި ދިމާއަށް ފުލުހުން ދަތުރުކޮށް، ލޯންޗުން ބޭނުންވާ އެހީތެރިކަން ފޯރުކޮށްދީފައި ވާކަމަށެވެ.
Ad
އަދި މިހާރު މި ލޯންޗަށް ދިމާވި މައްސަލަ ވަނީ އެއްކޮށް ހައްލުކުރެވިފައި ކަމަށްވެސް ފުލުހުންގެ ޓްވީޓުގައި ބުނެފައި ވެއެވެ.
މި ދުވަސްވަރަކީ ރާއްޖޭގެ އެކި ކަންކޮޅުތަކަށް ވިއްސާރަ ދުވަސްވަރެއްކަން ފާހަގަކޮށްލެވެއެވެ. ފުލުހުންނާއި އެމްއެންޑީއެފުން ވަނީ ކަނޑުދަތުރު ފަތުރު ކުރައްވާއިރު ސަމާލުކަން ދިނުމަށްވެސް އިލްތިމާސް ކުރައްވާފައެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!