ސިޔާސީ ޕާޓީތަކުގެ ޤާނޫނާ އެއްގޮތްވާ ގޮތުގެ މަތިން އަންނަ އަހަރުގެ ދައުލަތުގެ ބަޖެޓުން 5 ސިޔާސީ ޕާޓީއަކަށް ފައިސާ ދިނުމަށް އިލެކްޝަންސް ކޮމިޝަނުން ނިންމައިފިއެވެ.
ސިޔާސީ ޕާޓީތަކުގެ ޤާނޫނުގައި ބަޔާންކޮށްފައިވާ ގޮތުގައި، ދައުލަތުގެ ބަޖެޓުން ފައިސާ ދޫކުރެވޭނީ 10،000 މެންބަރުން ހަމަވާ ޕާޓީތަކަށް އެކަންޏެވެ. މި ޝަރުތު ފުރިހަމަވާ 5 ޕާޓީއަކީ އެމްޑީޕީ، ޕީއެންސީ، އަދާލަތު ޕާޓީ، ޖުމްހޫރީ ޕާޓީ އަދި އެމްޑީއޭ އެވެ.
ޤާނޫނުގައި އިތުރަށް ބަޔާންކޮށްފައިވާ ގޮތުގައި، ސިޔާސީ ޕާޓީތައް ހިންގުމަށް ދައުލަތުގލަތުގެ ބަޖެޓުން ދޫކުރެވޭ ފައިސާގެ މިންވަރަކީ ދައުލަތުގެ އަހަރީ ބަޖެޓުގެ 0.2 އިންސައްތައާއި 1.0 އިންސައްތައާ ދެމެދުގެ އަދަދަކަށް ވާންޖެހެއެވެ. ފައިސާ ދޫކުރުމުގައި ބަލާނީ ޑިސެމްބަރު 31 ގެ ނިޔަލަށް ކޮންމެ ޕާޓީއެއްގައި ތިބި މެންބަރުންގެ އަދަދަށެވެ.
މިދިޔަ އަހަރު، ދައުލަތުގެ ބަޖެޓުން 6 ސިޔާސީ ޕާޓީއަކަށް ޖުމްލަ 44 މިލިއަން ރުފިޔާ ދޫކުރެވުނެވެ. އަންނަ އަހަރު މި އަދަދަށް ބަދަލު އަންނާނެކަމަށް ބެލެވެއެވެ.
މި ނިންމުމަކީ ރާއްޖޭގެ ޑިމޮކްރަސީ ހަރުދަނާކޮށް، ސިޔާސީ ޕާޓީތަކުގެ ހަރަކާތްތައް ހަރުދަނާކުރުމަށް އެޅޭ މުހިންމު ފިޔަވަޅެއްކަމަށް ސިޔާސީ ދާއިރާގެ ތަޖުރިބާކާރުން ދެކެއެވެ. ނަމަވެސް، ބައެއް ފަރާތްތަކުން މި ނިންމުމާމެދު ކަންބޮޑުވުން ފާޅުކޮށް، ދައުލަތުގެ ބަޖެޓުން ސިޔާސީ ޕާޓީތަކަށް ފައިސާ ދިނުމުގެ ބަދަލުގައި އެހެން ދާއިރާތަކަށް އިސްކަންދިނުމަށް ގޮވާލައްވާފައިވެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!