އުތީމުގައި ކުނިމެނޭޖުކުރާ މަރުކަޒެއް އިމާރާތް ކޮއްދޭނެ ފަރާތެއް ހޯދަނީ

ހއ. އުތީމުގައި ކުނިމެނޭޖުކުރާ މަރުކަޒު އިމާރާތް ކޮއްދޭނެ ފަރާތެއް ހޯދުމަށް އުތީމު ކައުންސިލުން އިއުލާން ކޮށްފިއެވެ.

އެކައުންސިލުން މިއަދު ނެރެފައިވާ އިއުލާނެއްގައި ބުނެފައިވަނީ މިމަސައްކަތް ކުރުމަށް ޝައުގުވެރިވާ ފަރާތްތަކަށް އެފުރުސަތު މިހާރު ހުޅުވާލާފައިވާ ކަމަށެވެ.

އެގޮތުން މިމަސައްކަތާއި ގުޅިގެން މައުލޫމާތު ސާފުކުރުން އޮންނާނީ 6 އޭޕްރީލް 2022 ވާ އަންގާރަ ދުވަހުގެ މެންދުރު 11:00 ގައި އެކައުންސިލްގެ ކޮންފަރެންސް ރޫމްގައެވެ. އަންދާސީ ހިސާބު ހުށައެޅުމަށް ހަމަޖެހިފައިވަނީ 08 މޭ 2022 ވާ އާދިއްތަ ދުވަހުގެ 11:00 އަށެވެ.

މިމަސައްކަތަށް ކުރިމަތިލެވޭނީ ދިވެހިރާއްޖޭގެ ވިޔަފާރި ޤާނޫނު ގެ ދަށުން ރަޖިސްޓަރީ ކުރެވިފައިވާ ތަންތަނާއި އަމިއްލަ ފަރުދުންގެ ވިޔަފާރި ޤާނޫނު ގެ ދަށުން ރަޖިސްޓަރީވެފައިވާ ފަރާތްތަކަށް އެކަންޏެވެ.