މޫދަށް އެރި އުޅުނު ފަތުރުވެރިއެއް ގެނބިގެން މަރުވެއްޖެއެވެ.

ފުލުހުންގެ ޚިދުމަތުން މައުލޫމާތު ދީފައިވާ ގޮތުގައި އދ. އަތޮޅު ރިސޯޓެއްގައި މިމީހާ ގެނބިގެން އުޅޭ ކަމަށް ފުލުހުންނަށް ރިޕޯޓް ކޮށްފައިވަނީ މިއަދު މެންދުރު 12:11 ހާއިރެވެ.

Ad
rt

މިމީހާ މަރުވެފައިވަނީ ފަރުވާ ދެމުން ދަނިކޮށް ކަމަށް ޑޮކްޓަރާއި ހަވާލާދީ ފުލުހުން ބުނެފައިވެއެވެ.

މަރުވެފައިވަނީ އިންޑިއާގެ އުމުރުން 30 އަހަރުގެ ފަތުރުވެރިއެކެވެ.

ފުލުހުން އިތުރަށް ވިދާޅުވީ މިހާދިސާ އިތުރަށް ތަހުގީގު ކޮށް ބަލަންޖެހޭ ކަންކަން ބަލަމުންދާ ކަމަށެވެ.