އެސްޓީއޯގެ ފްރޮންޓްލައިން ސްޓާފުން ވެކްސިން ދޭން ފަށައިފި

ސްޓޭޓް ޓްރޭޑިން އޯގަނައޮޒޭޝަން (އެސްޓީއޯ) ގެ ފްރޮންޓްލައިން ސްޓާފުންނަށް ކޯވިޑް-19 ވެކްސިން ދޭން ފަށައިފިއެވެ.

އެ ކުންފުނިން މައުލޫމާތު ދޭގޮތުގައި މިހާތަނަށް އެ ކުންފުނީގެ ގިނަ އަދަދެއްގެ ފްރޮންޓްލައިން ސްޓާފުންނަށް ވަނީ ވެކްސިންގެ ފުރަތަމަ ޑޯޒު ދީފައެވެ.

އެސްޓީއޯއިން ކުރި ޓްވީޓެއްގައި ބުނީ ވެކްސިން ޖެހުމާއި އެޗްޕީއޭގެ ގައިޑްލައިނާ އެއްގޮތަށް މަސައްކަތް ކުރުމަކީ ކޯވިޑް-19އިން ސަލާމަތްވުމަށް އެޅޭނެ އެންމެ މުހިންމުފިޔަވަޅު ކަމަށެވެ. އަދި މި ބަލި ފެތުރުން ހުއްޓުވުމަށް އެންމެން ގުޅިގެން މަސައްކަތް ކުރުމަށްވެސް އެ ކުންފުނިން ވަނީ ބުނެފައެވެ.

Our frontliners having their first dose of #COVID19 Vaccine. The combination of getting vaccinated and following @HPA_MV 's guidelines will offer the best protection from Covid-19. Let's work together to #FlattenTheCurve. pic.twitter.com/IbldAoZhiQ

— STO (@stoplc) February 7, 2021

އެސްޓީއޯއިން ވަނީ ސަރުކާރުން ކުރިއަށްގެންދާ ވެކްސިން ކެމްޕޭނަށް އެހީތެރިކަން ވެސް ފޯރުކޮށްދީފައެވެ. އެގޮތުން މި ކެމްޕޭނަށް ބޭނުންވާ ބައެއް ސިއްހީ ސާމާނުއެ ކުންފުނިން ވަނީ އެޗްޕީއޭއަށް ހަދިޔާކޮށްފައެވެ.