އަންހެނުންނަށް ޚާއްސަކުރެވިފައިވާ 100 މިލިއަން ރުފިޔާގެ ލޯނު ވަރަށް އަވަހަށް ދޫކުރަން ފަށާނެ ކަމަށް އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ ވަޒީރު، ޑރ. އައިޝަތު ޝިހާމް މިރޭ ވިދާޅުވެއްޖެއެވެ.
ވަޒީރު މިހެން ވިދާޅުވީ، ހުޅުމާލޭ، ފުރަތަމަ ފިޔަވަހީގެ ހަދާފައިވާ ކޮންޓެއިނާ ޕާކު ސަރަޙައްދުގައި ކުރިއަށް ގެންދާ ''ހިޔަލަ ވީކެންޑް މާކެޓް'' ހުޅުވައިދެއްވައި ދެއްކެވި ވާހަކާގައެވެ.
އަންހެނުނަށް ޚާއްޞަ 100 މިލިއަން ރުފިޔާގެ ''ސްޓާޓްއަޕް ލޯން ސްކީމް'' އެއް ތައާރަފް ކުރުމަށް ރައީސް ޑރ. މުޙައްމަދު މުޢިއްޒުގެ ވެރިކަމުގެ ފުރަތަމަ 14 ހަފުތާގެ މަގުޗާޓުގައި ވަނީ ހިމަނާފައެވެ.
''ހިޔަލަ ވީކެންޑް މާކެޓް'' ހުޅުއްވައި ދެެއްވުމަށްފަހު ދެއްކެވި ވާހަކާގައި ވަޒީރު ވިދާޅުވީ، ރައީސް ޑރ. މުޙައްމަދު މުޢިއްޒުގެ މުހިންމު ދެ ވައުދުފުޅެއް ވަރަށް އަވަހަށް ފުއްދިގެން ދާނެކަމަށެވެ. އަދި އެކަމުގެ ޔަޤީންކަން އަރުވާ ކަމަށް ވިދާޅުވިއެވެ.
''އަންހެނުންނަށް ޚާއްސަކުރެވިފައިވާ 100 މިލިއަން ރުފިޔާގެ ލޯނު ވަރަށް އަވަހަށް ދޫކުރަން ފަށާނެ. ހަމަ އެއާއެކު ކުދި ވިޔަފާރިތަކަށް ޚާއްސަކޮށް މާލީ އެހީތެރިކަން ފޯރުކޮށްދިނުމަށް ޚާއްސަ ލޯނެއް ވަރަށް އަވަހަށް ތައާރަފްކުރެވިގެންދާނެ." ވަޒީރު އައިޝަތު ޝިހާމް ވިދާޅުވިއެވެ.
Embracing local brilliance at the Hiyala Weekend Market, hosted by @BCC_mv and the @MoEDmv . Our Managing Director, @FaZuLRaShYd, joined the launch, championing the empowerment of women entrepreneurs and the showcase of Maldivian excellence as part of the pledges of 'Hafthaa 14’… pic.twitter.com/NhSXod5m6Q
— Housing Development Corporation (@hdcmaldives) January 19, 2024
މިރޭ ފެށި ''ހިޔަލަ ވީކެންޑް މާކެޓް'' އަކީ ރައީސް ޑރ. މުޢިއްޒުގެ ސަރުކާރުގެ "ހަފްތާ 14 މަގުޗާޓު"ގައި ހިމަނާފައިވާ މަސައްކަތްތަކުގެ ތެރެއިން ކަނބަލުން އުފައްދާ އުފެއްދުންތައް ވިއްކުމަށް ޚާއްސަ ސަރަޙައްދެއް ހުޅުމާލޭގައި ކަނޑައަޅައި، ވިޔަފާރިކުރުމަށް ފަސޭހަ އިންތިޒާމުތަކެއް ހަމަޖައްސައިދިނުމުގެ ގޮތުން ޤާއިމްކުރާ މާކެޓެކެވެ.
މި މާކެޓް ކުރިއަށް ގެންދަން ނިންމާފައި ވަނީ ކޮންމެ ހަފްތާއެއްގެ ހުކުރު އަދި ހޮނިހިރު، މި ދެ ދުވަހުގެ ހަވީރު 16:00 އިން ރޭގަނޑު 23:00 އަށެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!