ކުނި މެނޭޖުކުރުމާ ގުޅޭ ތަމްރީނުތަކެއް ވޭސްޓް މެނޭޖްމަންޓް ކޯޕރޭޝަން (ވެމްކޯ) އިން ފަށައިފިއެވެ.
އެ ކުންފުނިން މި ޕްރޮގްރާމް ފަށާފައިވަނީ އިއްޔެއެވެ. މިއީ ސަރުކާރުގެ މުއައްސަސާތަކާއި ސަރުކާރު ހިއްސާވާ ކުންފުނިތަކަށް އަމާޒުކޮށްގެން ހިންގާ ތަމްރީން ޕްރޮގްރާމެކެެވެ.
މި ތަމްރީން ޕްރޮގްރާމުގެ ފުރަތަމަ ސެޝަން ބޭއްވީ ރައީސް އޮފީހުގެ މުވައްޒަފުންނަށެވެ. ދެ ދުވަހުގެ މުއްދަތަށް ކުރިއަށް ގެންދިޔަ އެ ތަމްރީނުތަކުގައި ވެމްކޯގެ ޓީމުން ވަނީ ގެއިންނާއި ރެސްޓޯރެންޓް ފަދަ ތަންތަނުން އާންމުކޮށް އުކާލާ ކުނި ވަކިކުރާނެ ފަސޭހަ ގޮތްތައް ކިޔައިދީފައެވެ.
ވެމްކޯ އިން ބުނިގޮތުގައި މި ޕްރޮގްރާމް، ސިވިލް ސާވިސް އާއި ސަރުކާރުގެ މުއައްސަސާތަކާއި ސަރުކާރު ހިއްސާވާ ކުންފުނިތަކާއި އަދި އަމިއްލަ ވިޔަފާރިތަކުގައި މަސައްކަތްކުރާ މުވައްޒަފުންނަށް އަމާޒުކޮށްގެން ކުރިމަގުގައި ހިންގާނެއެވެ.
We're excited to begin our waste segregation trainings for government and public institutes, starting with the President's Office.
Our team explained simple ways to practice waste segregation at the source, how to sort common household waste streams, and more during our session pic.twitter.com/Qm7FhzXjhW
— Waste Management Corporation Limited (WAMCO) (@WAMCOmv) June 21, 2022
ވެމްކޯއިން ތަމްރީން ޕްރޮގްރާމް ހިންގަނީ މި މަހުން ފެށިގެން އުކާލާ ކުނި ވަކިކުރުމަށް އަންގާފައިވާތީއެވެ. އެގޮތުން މާލެ ސަރަހައްދުގެ ގޭބިސީތަކުން ކުނިވާ ޒާތުގެ ކުންޏާއި ކުނި ނުވާ ޒާތުގެ ކުނި އަދި ޕްލާސްޓިކް ކުނި ތިން ބަޔަށް ބަހާލަން ޖެހޭނެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!