މާލެއިން ފުރައިގެން އއ. ތޮއްޑޫއަށް ދަތުރުކުރި "ރިލެކްސް އައިޝާ" ނަމަކަށް ކިޔާ ލޯންޗެއް ދިޔަވެ، އަޑިއަށް ދަނިކޮށް އޭގެއިން ދަތުރުކުރި އެންމެން ސަލާމަތްކޮށްފިއެވެ.

މި ހާދިސާ ހިނގާފައިވަނީ 25 މެއި 2026 ވީ އާދިއްތަ ދުވަހުގެ އިރުއޮއްސި 17:30 ހާއިރުއެވެ.

Ad
rt

މެރިން ޕޮލިހުން މައުލޫމާތު ދީފައިވާ ގޮތުގައި، ލޯންޗު ދިޔަވާން ފެށުމާއެކު އެ އުޅަނދުން ދަތުރުކުރި 25 މީހުން ވަނީ ރައްކާތެރިކަމާއެކު އެހެން ސަރަހައްދަކަށް ގެންގޮސްފައެވެ.

މި ހާދިސާގައި އެއްވެސް މީހަކަށް ގެއްލުމެއް ލިބިފައިވާ ކަމުގެ ރިޕޯޓެއް ލިބިފައެއް ނުވެއެވެ.

މޯލްޑިވްސް ޕޮލިސް ސާވިސްއިން ބުނީ މި ދުވަސްވަރަކީ ރާއްޖޭގެ މޫސުން ގޯސް ދުވަސްވަރަކަށް ވާތީ، ކަނޑުދަތުރުފަތުރު ކުރާ ފަރާތްތަކުން ސަލާމަތާއި ރައްކާތެރިކަމަށް ޚާއްސަ ސަމާލުކަމެއް ދިނުމަކީ މުހިންމު ކަމެއް ކަމަށެވެ. ވަކިން ހާއްސަކޮށް ދަތުރަށް ފުރުމުގެ ކުރިން އުޅަނދުގެ ސަލާމަތީ ކަންކަން ފުރިހަމައަށް ހުރިތޯ ބެލުމަށް ފުލުހުން ވަނީ އިލްތިމާސްކޮށްފައެވެ.

މި ހާދިސާ ހިނގަން މެދުވެރިވި ސަބަބު އިތުރަށް ބަލަމުންދާ ކަމަށްވެސް ފުލުހުން މައުލޫމާތު ދެއެވެ. ރާއްޖޭގެ ކަނޑުގެ ސަރަހައްދު ގަދަވެފައިވާތީ، މޫސުމާ ބެހޭ ގައުމީ އިދާރާއިންވެސް ދަނީ ދަތުރުވެރިން ސަމާލުވުމަށް އިރުޝާދު ދެމުންނެވެ.