އިންޑިއާ އާ ދެކޮޅަށް ޙަމަލާދިނުމަށް ޕާކިސްތާނު ސަރުކާރުން އެ ޤައުމުގެ އަސްކަރިއްޔާއަށާއި ހަތިޔާރުއެޅި އެހެނިހެން ބާރުތަކަށް ހުއްދަދީފިއެވެ.
އިންޑިއާއިން ޕާކިސްތާނަށާއި ޕާކިސްތާނުގެ ބެލުމުގެ ދަށުގައިވާ ސަރަޙައްދުތަކަށް ދިން މިސައިލް ޙަމަލާގައި މަދުވެގެން 26 އާންމު ރައްޔިތުން މަރުވެފައިވާ ކަމަށް ޕާކިސްތާނުން ވަނީ ބުނެފައެވެ. މި ޙަމަލާއަކީ "ޓެރަރިސްޓް ޙަމަލާއަކަށް" ދިން ޖަވާބެއްގެ ގޮތުގައި އިންޑިއާއިން ބުނެފައިވާއިރު، ޕާކިސްތާނުގެ ބަންޑާރަ ނައިބު މި ޙަމަލާ ސިފަކޮށްފައިވަނީ "އުދުވާނީ އަމަލެއް" އަދި "ބޮޑު ކުށެއް" ގެ ގޮތުގައެވެ.
މި ޙަމަލާއާ ގުޅިގެން ޕާކިސްތާނުގެ ސަރުކާރުން ވަނީ އެ ޤައުމުގެ ހަތިިޔާރުއެޅި ބާރުތަކަށް "އެކަށީގެންވާ ފިޔަވަޅުތައް" އެޅުމުގެ ހުއްދަ ދީފައެވެ. މިކަމުން ދޭހަވަނީ ދެ ޤައުމުގެ ދެމެދުގައި އިތުރު ހަނގުރާމަވެރި ޢަމަލުތައް ހިނގުމުގެ ފުރުޞަތު އޮތް ކަމެވެ.
އިންޑިއާގެ މި ޙަމަލާއަކީ ފާއިތުވި ދުވަސްތަކުގައި އިންޑިއާގެ ސަރަޙައްދުގައި ހިނގި ކަމަށް ބެލެވޭ ޓެރަރިސްޓް ޙަމަލާއަކާ ގުޅިގެން ދިން ރައްދެއް ކަމަށް އިންޑިއާގެ ސަރުކާރުން ބުނެފައިވެއެވެ. ނަމަވެސް، މި ޙަމަލާގެ ތަފްޞީލުތައް އަދި ހާމަކޮށްފައެއް ނޫނެވެ.
ޕާކިސްތާނުގެ ބަންޑާރަ ނައިބު ވިދާޅުވެފައިވަނީ އިންޑިއާގެ މި ޢަމަލަކީ ބައިނަލްއަޤްވާމީ ޤާނޫނުތަކާ ޚިލާފު ކަމެއް ކަމަށާއި، މިފަދަ ޢަމަލުތަކުން ސަރަޙައްދުގެ ސުލްޙަ އާއި ސަލާމަތަށް ނުރައްކާވެދާނެ ކަމަށެވެ.
މި ހާދިސާއާ ގުޅިގެން ދެ ޤައުމުގެ ދެމެދުގައި އޮތް ގުޅުން އިތުރަށް ގޯސްވެ، ސަރަޙައްދުގެ ސުލްޙައަށް ބޮޑެތި ގޮންޖެހުންތަކެއް ކުރިމަތިވެދާނެ ކަމަށް ބައިނަލްއަޤްވާމީ މުޖުތަމަޢުން ކަންބޮޑުވުން ފާޅުކޮށްފައިވެއެވެ. މި މައްސަލަ ޙައްލުކުރުމަށް ދެ ޤައުމުގެ މެދުގައި ވާހަކަ ދެއްކުމަށް ގޮވާލާފައިވެއެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!