ނ. މާފަރު އެއާޕޯޓުގައި އެކްސްކަވޭޓަރެއް ފުރޮޅާލައިގެން އަނިޔާވި މީހަކު ނިޔާވެއްޖެއެވެ.

ދިވެހި ފުލުހުންގެ ޚިދުމަތުން ވިދާޅުވީ މި އެކްސްކަވޭޓަރަކީ އެ އެއާޕޯޓު ގެ މަސައްކަތަށް ބޭނުންކުރަމުންދިޔަ އެއްޗެއް ކަމަށެވެ.

Ad
rt

އެކްސްކަވޭޓަރު ފުރޮޅާލައިގެން އަނިޔާ ލިބުނުު މީހާ މާފަރު ސިއްހީ މަރުކަޒަށް ގެންދިޔައިރުވެސް ނިޔާވެފައިވާ ކަމަށް މިއަދު ހެނދުނު 9:27 ހާއިރު، ފުލުހުންނަށް ރިޕޯޓު ކޮށްފައިވާ ކަމަށް ވެސް އެ އިދާރާ އިން ވިދާޅުވެއެވެ. އަދި ނިޔާވެފައިވަނީ އެކްސްކަވޭޓަރު ދުއްވި ޑްރިވަރު ކަމަށް ވެސް ވިދާޅުވިއެވެ.

އެމީހާއަކީ އުމުރުން 35 އަހަރުގެ އިންޑިއާ މީހެއް ކަމަށާއި އެ މީހާގެ ބޯ ފަޅައިގެން ގޮސް، ވާއަތްފަރާތުގެ ކަންފަތުގެ މަތިން 2 އިންޗިއެއްހާ ވަރު ފަޅައިގެން ގޮސްފައިވާ ކަމަށް ވެސް ވިދާޅުވިއެވެ.

މިކަމުގައި އިތުރަށް ބަލަންޖެހޭ ކަންކަން ބަލަމުން އަންނަކަމަށް ވެސް ފުލުހުން ވިދާޅުވެއެވެ.