ޓެކްނޮލޮޖީއާއި އޭއައިގެ ބަދަލުތަކަށް ޓީޗަރުން ބާރުވެރިކުރުވަންޖެހޭ: މެޑަމް ސާޖިދާ

ޓެކްނޮލޮޖީއާއި އާޓިފިޝަލް އިންޓެލިޖެންސް (އޭއައި) އާއެކު ކްލާސްރޫމްތަކަށް އަންނަމުންދާ ބަދަލުތަކާ އިތުބާރާއެކު ކުރިމަތިލުމަށްޓަކައި، މުދައްރިސުން ބާރުވެރިކުރުވައި ވަސީލަތްތައް ފޯރުކޮށްދިނުމަކީ ނުހަނު މުހިންމު ކަމެއް ކަމަށް ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު ވިދާޅުވެއްޖެއެވެ.

ބައިނަލްއަގުވާމީ ގޮތުން ފާހަގަކުރާ މުދައްރިސުންގެ ދުވަހުގެ މުނާސަބަތުގައި މީސްމީޑިއާ މެދުވެރިކުރައްވައި ފޮނުއްވި މެސެޖެއްގައި މެޑަމް ސާޖިދާ ވިދާޅުވީ، ޓެކްނޮލޮޖީއާއި އޭއައިގެ ސަބަބުން ކިޔަވައިދޭ މާހައުލު ބަދަލުވަމުންދާއިރު، މުދައްރިސުންނަށް އައު ގޮންޖެހުންތަކާ ކުރިމަތިލާންޖެހިފައިވާ ކަމަށެވެ. އަދި މުދައްރިސުން މަސައްކަތްކުރަން ޖެހިފައިވަނީ ކުރިމަގުގައި އޮތް ޔަގީންކަމެއް ނެތް ހާލަތްތަކެއްގެ ތެރޭގައިކަން އެކަމަނާ ފާހަގަކުރެއްވިއެވެ.

އެހެންކަމުން، މި ބަދަލުތަކަށް އިތުބާރާއެކު ހޭނުމަށްޓަކައި ޓީޗަރުން ބާރުވެރިކުރުވައި، އެ ފަރާތްތަކަށް ބޭނުންވާ ވަސީލަތްތަކާއި އެހީތެރިކަން ފޯރުކޮށްދިނުމުގައި ދެމިތިބުމަކީ ކޮންމެހެން ބޭނުންތެރި ކަމެއްގެ ގޮތުގައި ފަސްޓްލޭޑީ ވަނީ ބަޔާންކުރައްވާފައެވެ.

މީގެއިތުރުން، ދަރިވަރުންނަށް މަގުދައްކައިދީ ތަރުބިއްޔަތު ކުރުމުގައްޔާއި، މިއަދު ފަޚުރުވެރިވާ ފަދަ ވަރުގަދަ އަދި އަޅާލާ މުޖުތަމަޢުތަކެއް ބިނާކުރުމުގައި މުދައްރިސުން އަދާކުރަނީ ވަރަށް މުހިންމު ދައުރެއްކަން މެޑަމް ސާޖިދާގެ މެސެޖުގައި ފާހަގަކުރެއްވިއެވެ. އަދި އަޅުގަނޑުމެންގެ ދިރިއުޅުމަށް ދެމިގެންދާ ފަދަ ހެޔޮ ބަދަލުތަކެއް ގެނެސްދޭ މުދައްރިސުންގެ ބުރަ މަސައްކަތާއި، އެބޭފުޅުންގެ ކޮމިޓްމަންޓާއި އޯގާތެރިކަން އެކަމަނާ އަގުވަޒަންކުރެއްވިއެވެ.

As we celebrate #WorldTeachersDay, we recognise the hard work, commitment, and kindness of teachers who make a lasting difference in our lives.

Teachers have been guiding and nurturing our children and playing an important role in building the strong and caring communities we are proud of today. As our classrooms continue to evolve with technology and AI, our teachers are facing new challenges and navigating a progressively uncertain future. It is therefore vital that we continue to empower and equip teachers to adapt confidently to these changes.

Today, I thank every teacher for your patience, your care, and for being there every day. Your work matters, and your impact lasts far beyond the classroom.

Happy World Teachers’ Day!

— First Lady Sajidha Mohamed (@sajidhaamohamed) October 5, 2026

ކޮންމެ ދުވަހަކުވެސް ކިޔަވައިދިނުމުގެ ޚިދުމަތުގައި ދެމިތިބެ، މުދައްރިސުން ދައްކުވައިދޭ ކެތްތެރިކަމާއި އަޅާލުމަށްޓަކައި ހުރިހާ މުދައްރިސުންނަށް މެޑަމް ސާޖިދާ ވަނީ ޝުކުރު އަދާކުރައްވާފައެވެ. އެކަމަނާ ވިދާޅުވީ މުދައްރިސުން ކުރާ މަސައްކަތަކީ އަގުހުރި އަދި މުހިންމު މަސައްކަތެއް ކަމަށެވެ.

ހަމައެއާއެކު، މުދައްރިސުންގެ މަސައްކަތުން ދަރިވަރުންނަށާއި މުޖުތަމަޢަށް ކުރާ ހެޔޮ އަސަރަކީ ހަމައެކަނި ކްލާސްރޫމުގެ ފާރުތަކުގެ ތެރޭގައި މަޑުޖެހިފައި އޮންނަ ކަމެއް ނޫން ކަމަށާއި، އޭގެ ހެޔޮ ނަތީޖާ މާ ދުރަށް ދެމިގެންދާ ކަމަށްވެސް އެކަމަނާ ވިދާޅުވިއެވެ. މެޑަމް ސާޖިދާގެ މެސެޖު ނިންމަވާލައްވާފައިވަނީ މުދައްރިސުންގެ ދުވަހުގެ ހެޔޮއެދުމާއި ތަހުނިޔާ އެންމެހައި މުދައްރިސުންނަށް އަރިސްކުރައްވަމުންނެވެ.