އެމެރިކާގެ ސްޓޭޓް ޑިޕާޓްމަންޓުން 75 ގައުމެއްގެ ރައްޔިތުންނަށް އިމިގްރަންޓް ވިސާ ދޫކުރުން މުއްދަތެއް ނެތް ގޮތަށް މެދުކަނޑާލުމަށް ނިންމައި، އެކަން ކޮންސިއުލާ އޮފިސަރުންނަށް އަންގައިފިއެވެ. މި ނިންމުމަށް އަމަލުކުރަން ފެށުމަށް ހަމަޖެހިފައިވަނީ 21 ޖެނުއަރީ 2026 އިން ފެށިގެންނެވެ.
ވިސާ ހުއްޓާލާކަމަށް ބުނާ މައިގަނޑު ސަބަބު
ސަރުކާރުން ހާމަކުރި ގޮތުގައި މި ފިޔަވަޅު އެޅީ، ވިސާއަށް އެދޭ ފަރާތްތަކަކީ "ޕަބްލިކް ޗާޖް" ނުވަތަ ސަރުކާރުގެ އެހީއަށް ބަރޯސާވާނެ ބައެއް ނޫންކަން ކަށަވަރުކުރުމަށެވެ. މިގޮތުން ސްކްރީން ކުރުމާއި ވެޓިންގް މަރުހަލާތައް އަލުން މުރާޖައާ ކުރުމަކީ މި ނިންމުމުގެ މައިގަނޑު ބޭނުމެވެ. ސްޓޭޓް ޑިޕާޓްމަންޓުގެ ތަރުޖަމާނު ޓޮމީ ޕިގޮޓް ވިދާޅުވި ގޮތުގައި، މި މެދުކަނޑާލުމުގެ މަގްސަދަކީ "ދައުލަތުގެ އެހީއާއި އިނާޔަތްތައް ހޯދާނެ ބޭރު ގައުމުތަކުގެ ރައްޔިތުން އެތެރެވުން ހުއްޓުވުން" ކަމަށެވެ.
އަސަރުކުރާނެ ދާއިރާތައް
މި ނިންމުމުގެ އަމާޒަކީ މައިގަނޑު ގޮތެއްގައި އިމިގްރަންޓް ވިސާ ނުވަތަ ދާއިމީކޮށް ދިރިއުޅުމުގެ ހުއްދަ (ގްރީން ކާޑު) އެވެ. ނޮން-އިމިގްރަންޓް ވިސާ، މިސާލަކަށް ވަގުތީ ފަތުރުވެރިކަން ނުވަތަ ވިޔަފާރި ވިސާ އަށް މި އަމުރުގެ ސަބަބުން މިވަގުތު ސީދާ އަސަރެއް ނުކުރެއެވެ. ނަމަވެސް، އެފަދަ ވިސާތަކަށް އެދޭ ފަރާތްތައް ވެސް އިތުރަށް ސްކްރީންކޮށް ބެލުމަކީ އެކަށީގެންވާ ކަމެއް ކަމަށް ރިޕޯޓްތައް ބުނެއެވެ.
ލިސްޓުގައި ހިމެނޭ ގައުމުތައް
އަފްޣާނިސްތާން
އަލްބޭނިއާ
އަލްޖީރިއާ
އެންޓީގުއާ އެންޑް ބާބިއުޑާ
އާމީނިއާ
އަޒަރުބައިޖާން
ބަހާމަސް
ބަންގްލަދޭޝް
ބާބަޑޯސް
ބެލަރޫސް
ބެލީޒް
ބޫޓާން
ބޮސްނިއާ
ބްރެޒިލް
ބަރުމާ (މިއަންމާ)
ކެމްބޯޑިއާ
ކެމަރޫން
ކޭޕް ވާޑޭ
ކޮލަމްބިއާ
ކޯޓް ޑިވުއާ
ކިއުބާ
ޑިމޮކްރެޓިކް ރިޕަބްލިކް އޮފް ދަ ކޮންގޯ
ޑޮމިނިކާ
މިސްރު
އެރިތްރިއާ
އިތިއޯޕިއާ
ފިޖީ
ގެމްބިއާ
ޖޯޖިއާ
ގާނާ
ގްރެނާޑާ
ގުއަޓެމާލާ
ގިނީ
ހެއިޓީ
އީރާން
ޢިރާޤު
ޖަމެއިކާ
އުރުދުން
ކަޒަކިސްތާން
ކޮސޯވޯ
ކުވެއިތު
ކިރިގިސްތާން
ލާއޯސް
ލުބުނާން
ލައިބީރިއާ
ލީބިޔާ
މެސެޑޯނިއާ
މޮލްޑޯވާ
މޮންގޯލިއާ
މޮންޓެނީގްރޯ
މޮރޮކޯ
ނޭޕާލް
ނިކަރާގުއާ
ނައިޖީރިއާ
ޕާކިސްތާން
ރިޕަބްލިކް އޮފް ދަ ކޮންގޯ
ރަޝިއާ
ރުވާންޑާ
ސެއިންޓް ކިޓްސް އެންޑް ނޭވިސް
ސެއިންޓް ލޫޝިއާ
ސެއިންޓް ވިންސެންޓް އެންޑް ދަ ގްރެނަޑީންސް
ސެނެގާލް
ސިއެރާ ލިއޯން
ސޯމާލިއާ
ސައުތު ސޫދާން
ސޫދާން
ސީރިއާ
ޓެންޒޭނިއާ
ތައިލެންޑް
ޓޯގޯ
ޓިއުނީޝިއާ
ޔުގެންޑާ
އުރުގުއޭ
އުޒްބެކިސްތާން
ޔަމަން
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!