ކޯވިޑް-19ގައި ރާއްޖެއިން 86 އަހަރުގެ ދިވެހި ފިރިހެނަކު ނިޔާވެއްޖެއެވެ. މިއީ ކޯވިޑް-19 ޖެހިގެން ރާއްޖެއިން ނިޔާވި 51 ވަނަ މީހާއެވެ.
ހެލްތް ޕްރޮޓެކްޝަން އެޖެންސީން (އެޗްޕީއޭ) އިން ވިދާޅުވީ ކޮވިޑް-19 ޖެހިގެން ނިޔާވެފައި ވަނީ ދަރުމަވަންތަ ހޮސްޕިޓަލްގެ 11 ވަނަ ފަންގިފިލާ ގައި ފަރުވާ ދެމުން ގެންދިޔަ އުމުރުން 86 އަހަރުގެ ދިވެހި ފިރިހެނެކަމަށެވެ. މި މީހާ ނިޔާވެފައިވަނީ މިއަދު ހަވީރު 04:27 ގައި ކަމަށްވެސް އެޗްޕީއޭ އިން ވިދާޅުވި އެވެ.
މިއަދު ކޮވިޑް-19 ޖެހިގެން ނިޔާވި މީހާއާއި އެކު މިބަލި ޖެހިގެން ރާއްޖެ އިން ނިޔާވި މީހުންގެ ޢަދަދު ވަނީ 51 އަށް އަރާފައެވެ. ރާއްޖެއިން އެންމެ ފަހުން ކޯވިޑް ބަލީގައި މީހަކު ނިޔާވެފައިވަނީ މިމަހުގެ 21 ވަނަ ދުވަހުގައެވެ. އެއީ ޢުމުރުން 77 އަހަރުގެ ދިވެހި ފިރިހެނެކެވެ.
Today at 04:27pm, an 86-year-old Maldivian male admitted at DH11 has passed away.
This is the 51st COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) January 24, 2021
މިހާތަނަށް ރާއްޖެއިން މި ބަލީގައި ނިޔާވެފައިވަނީ 43 ދިވެހިންނާއި 8 ބިދޭސީންނެވެ. ރާއްޖެއިން މިހާތަނަށް ކޯވިޑް-19 ޖެހިފައިވަނީ 14،885 މީހުންނަށެވެ. އަދި މިވަގުތު 1،015 މީހުންނެވެ. އަދި މިހާރު މިބަލީގައި އެޑްމިޓްކޮށްގެން ފަރުވާދެނީ 77 މީހުންނަށެވެ. ރާއްޖެއިން ކޯވިޑް-19 ޖެހުނު މީހުންގެ ތެރެއިން މިހާތަނަށް ބަލިން ރަނގަޅުވެފައިވަނީ 13،813 މީހުންނެވެ.
ކޯވިޑް ބަލީގެ ފުރަތަމަ ކޭސް ރާއްޖެއިން ފެނުނީ މިދިޔަ އަހަރުގެ މާރޗްމަހުގެ 7 ވަނަ ދުވަހުއެވެ. ކޯވިޑް ބަލީގައި އެންމެ ފުރަތަމަ ރާއްޖެއިން މީހަކު ނިޔާވީ މިދިޔަ އަހަރުގެ އޭޕްރީލް މަހުގެ 29 ވަނަ ދުވަހުއެވެ. އެއީ އުމުރުން 83 އަހަރުގެ ދިވެހި އަންހެނެކެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!