ލޯންޗު ބަންޑުންވި ހާދިސާގައި ނިޔާވި މީހުންގެ އާއިލާތަކަށް ރައީސް އިބްރާހިމް މުހައްމަދު ސޯލިހްގެ އިތުރުން ނައިބު ރައީސް ފައިސަލް ނަސީމް ތައުޒިޔާ ވިދާޅުވެއްޖެ އެވެ.
ހދ. ނޮޅިވަރަންފަރުން ފުރައިގެން ހދ. ހަނިމާދު އަށް ދަތުރުކުރި ލޯންޗެއް ބަންޑުން ޖަހާލައި ފަސް މީހުން ނިޔާވި ހާދިސާއާ ގުޅިގެން އެމީހުންގެ އާއިލާތަކަށް ރައީސް އިބްރާހިމް މުހައްމަދު ސޯލިހު ތައުޒިޔާ ފޮނުއްވައިފި އެވެ.
މިއަދު ހަނިމާދޫ ކައިރިން ލާންޗެއް ބަންޑުންޖަހާލައި 5 ބޭފުޅަކު ނިޔާވި ޚަބަރު އެހީ ފުންހިތާމައާއެކު. އަދި އެބޭފުޅުންގެ ޢާއިލާތަކަށް އަޅުގަނޑުގެ ހިތުގެއަޑިން ތަޢުޒިޔާ ދަންނަވަން. މާތްﷲ މަރްޙޫމުންނަށް ސުވަރުގޭގެ ދާއިމީ ނިޢުމަތް މިންވަރު ކުރައްވައި ޢާއިލާތަކަށް ކެތްތެރިކަން ދެއްވާށި!
— Ibrahim Mohamed Solih (@ibusolih) August 29, 2019
ރައީސް ކުރެއްވި ޓުވީޓެއްގައި ވިދާޅުވީ އެ ޚަބަރު އެއްސެވީ ފުން ހިތާމައާއެކުގައި ކަމަށާއި، ނިޔާވި ފަރާތްތަކުގެ އާއިލާތަކަށް ހިތުގެ އަޑިން ތައުޒިޔާ ދަންނަވާ ކަމަށެވެ.
ރައީސްގެ އިތުރުން ނައިބު ރައީސް ފައިސަލް ނަސީމް ވެސް ވަނީ އާއިލާތަކަށް ތައުޒިޔާ ވިދާޅުވެފައެވެ.
Miadhu Hdh.Nolhivaramfarun furaigen dhiya meehunge therein 5 meehun niyaavi khabaru ehee funn hithaamayaa eku. Mi hithaamaiga baiverive aailaathakah keihtherikan minvaru kurevvun edhi dhua kuran.
— Faisal Naseem (@FaisalNasym) August 29, 2019
މިއަދު ހިނގި ހިތާމަވެރި ހާދިސާގައި ނިޔާވި ފަސް މީހުންގެ ތެރޭގައި އެއް އާއިލާއެއްގެ ހަތަރު މީހުން ހިމެނެ އެވެ. އެއީ ދެމަފިރިންނާއި އެ ދެމީހުންގެ އަންހެން ދަރި އަދި ކާފަ ދަރިއެކެވެ.
މިހިތާމަވެރި ހާދިސާއާއި ގުޅިގެން ސަރުކާރުގެ އިސްވެރިންނާއި އެކި ފަރާތްތަކުން އަންނަނީ މި އާއިލާތަކަށް ތައުޒިޔާ ދަންނަވަމުންނެވެ.
ކިޔުންތެރިންގެ ފިނިއަށި 0 ޚިޔާލެއް ލިބިފައިވޭ!