ދިވެހި ފުލުހުންގެ ޚިދުމަތުން ކުރިއަށް ގެންދިޔަ ޑްރަގް އޮޕަރޭޝަނެއްގައި އަށް މީހުން މިރޭ ހައްޔަރުކޮށްފިއެވެ.

ފުލުހުން މިރޭ ބުނީ، އެ އިދާރާގެ ޑްރަގް އެންފޯސްމަންޓްގެ ފަރާތުން ހުޅުމާލެ ފޭސް 1 ގައި ވަނީ ޑްރަގް އޮޕަރޭޝަނެއް ހިންގާފައެވެ.

Ad
rt

މި އޮޕަރޭޝަނެއްގައި އަށް މީހުން ހައްޔަރުކޮށްފައިވާ ކަމަށް ފުލުހުން ބުނެއެވެ.

ފުލުހުން ބުނިގޮތުގައި މި އޮޕަރޭޝަންގައި ހައްޔަރުކޮށްފައި ވަނީ ހަތް ފިރިހެނުންނާއި އަންހެނެކެވެ. މި އެންމެންނަކީ ވެސް ދިވެހިން ކަމަށް ފުލުހުން ބުނެއެވެ.

މީގެ އިތުރުން މި މައްސަލަ ތަހްގީގު ކުރަމުން އަންނަ ކަމަށް ވެސް ފުލުހުން ވަނީ ބުނެފައެވެ.