ފޭދޫގައި ދިރިއުޅޭ ހާއްސަ އެހީއަށް ބޭނުންވާ މީހުންގެ ކަންބޮޑުވުންތައް އޮޅުންފިލުވުމުގެ މަސައްކަތް އެރަށު ކައުންސިލުން ފަށައިފި
ށ. ފޭދޫގައި ދިރިއުޅޭ ހާއްސައެހީއަށް ބޭނުންވާ މީހުންގެ ހާލަތު ދެނެގަނެ އެމީހުންގެ ކަންބޮޑުވުންތައް އޮޅުންފިލުވުމަށް އެރަށު ކައުންސިލުން ދޮރުން ދޮރަށް ހިނގުމުގެ ހަރަކާތެއް ފަށައިފިއެވެ. ފޭދޫ ކައުންސިލްގެ ރައީސް އަޙްމަދު ރައިޝަމް “ތިލަދުން”އަށް ވިދާޅުވީ، މިއީ ލާމަރުކަޒީ އުސޫލުން އިދާރީ ދާއިރާތައް ހިންގުމުގެ ޤާނޫނަށް 8 ވަނަ އިސްލާޙް ގެނެވުމުގެ ޤާނޫނުގެ ދަށުން ކައުންސިލްތަކާ މަތިކޮށްފައިވާ ޒިންމާ އަދާކުރުމުގެ ތެރެއިން ފަށާފައިވާ ހަރަކާތެއްކަމަށެވެ. “އެ ޤާނޫނުގައި ބުނާގޮތުން ކޮންމެ ހަތަރު މަހަކު އެރަށ...